Жұмысқа шығатындарға екпе алу міндеттелді

08.10.2021 15:05 Қоғам 194

Денсаулық сақтау министрі тиісті талаптарға өзгеріс енгізді, деп хабарлайды Mnews.kz тілшісі.

Жұмысқа шығатындарға екпе алу міндеттелді
Фото: Көрнекі сурет

Денсаулық сақтау министрі Алексей Цой 2021 жылғы 30 қыркүйектегі бұйрығына толықтырулар енгізді. Оған сәйкес оффлайн форматта жұмыс істейтіндерге екпе алу міндеттеледі.

«Респираторлық вирустық инфекциялар, тұмау және олардың асқынулары (пневмония), менингококк инфекциясы, COVID-19 коронавирустық инфекциясы, желшешек және скарлатина кезінде санитариялық-эпидемияға қарсы, санитариялық-профилактикалық іс-шараларды ұйымдастыруға және жүргізуге қойылатын санитариялық-эпидемиологиялық талаптарға» бұйрығының 49-тармағы мынадай тармақшамен толықтырылды:

«Қазақстан Республикасының Бас мемлекеттік санитариялық дәрігері, тиісті әкімшілік-аумақтық бірлікте бас мемлекеттік санитариялық дәрігерлер белгілеген ұйымдарда/объектілерде COVID-19-ға қарсы вакцина алған ұйымдардың қызметкерлері үшін күндізгі режимде жұмысқа жіберу».

Яғни енді оффлайн форматта жұмыс істегісі келетін адамға екпе алуы міндеттеледі.

Сонымен қатар, әкімшілік-аумақтық бірліктегі бас мемлекеттік санитариялық дәрігерлер белгілеген ұйымдар ПТР-тесті 7 күнде 1 рет тапсыруға және соңғы үш ай ішінде COVID-19 жұқтырған тұрақты медициналық қарсы көрсеткіштері бар адамнан медициналық анықтама талап етілуі міндетті.

Бұйрық 2021 жылғы 17 қазаннан бастап қолданысқа енгізіледі.

0 комментариев

Қазір оқып жатыр